信貸財務資訊快遞 / 信貸評級影響買樓?教你「洗底」貼士

信貸評級影響買樓?教你「洗底」貼士

免費信貸報告

要申請信用卡、甚至買樓按揭,成日都聽到要檢查申請人嘅「信貸評級」,究竟信貸評級係咩嚟?對你日常生活有幾重要?點樣先睇到自己嘅評級?

信貸評級簡單嚟講, 就係一個人喺財務上係咪「信得過」。信貸評級是根據客戶的理財習慣、信貸紀錄等方面作出評分的等級。如果有任何信貸帳戶 (包括信用卡、按揭 、貸款等) , 你就會有份個人信貸報告。信貸報告紀錄了你的信貸評分。唔好睇少呢個評級, 銀行或財務公司都會查閱申請人嘅信貸評級, 繼而審批各項申請, 係個非常重要嘅指標。

點樣制定信貸評級?評級點先算好?" title="點樣制定信貸評級?評級點先算好?">點樣制定信貸評級?評級點先算好?

全港現時只有環聯信貸公司 (環聯, TransUnion) 提供信貸評級服務,環聯會根據信貸帳戶種類、還款紀錄、信貸紀錄長短、總結餘同新開立信貸帳戶等方面作出評估,而信貸帳戶包括信用卡、按揭、貸款等。

信貸評級

整個評級分為A至J共10級,A至C級屬於良好,而I至J級是欠佳,有機影響申請信用卡、按揭同貸款嘅結果,同日常生活息息相關。

信貸評級報告

信貸評級「洗底」貼士" title="信貸評級「洗底」貼士">信貸評級「洗底」貼士

信貸評級個Grade唔夠靚,有無方法升呢?以下就有4個貼士:

  1. 準時還款及繳清款項

之前提到還款紀錄會影響信貸評級,所以準時交卡數或還貸款好重要,建議使用自動轉賬避免遲交錢。如果每次只還Min-Pay (最低還款額),都會令財務機構懷疑你嘅還款能力,影響信貸評級。

  1. 切忌同時申請多張信用卡

短時間內申請多張信用卡會令人覺得你需要大量信用額,係咪財務周轉有困難呢?呢一點對於信貸評級都有影響!

  1. 使用信用卡不多於一半信貸額

環聯建議,每張信用卡最多使用約50%嘅信貸額,咁就少啲機會被質疑消費習慣同財務情況。

  1. 建立適量信貸帳戶

雖然要小心使用信用卡,但有卡勝無卡!完全無信用卡會令你無任何信貸紀錄,銀行或財務公司就無從參考啦。